{{ الصمرقع }}
زايدالصقع ذي الايام من قام يصقع
الحضارم. فقط ذا. الهرج بايفهمونه
يافري طقع خل الكذب ولعاد تطقع
ملت الناس من هرجك ولي تفعلونه
مثل تنكه إذا هب الهواء. با تقربع
قربعة صوتكم ياصاحبي يسمعونه
ابن بن دغر. والغاوي معاهم. تهنبع
وسط.وادي فلك تمشي وساحل فلونه
مامعك فايده قد لبسوك المرقع
لاظهرشعق جنب الشعق بايرقعونه
السراج الذي في الدار ماعاد يولع
يأهل جده نبى فانوسنا تشعلونه
بوعصام الذي قدصابهم بالصمرقع
رافع الرأس وعليهم. يفرقز. عيونه
قفل الدار والبزبوز وطوى المشمع
يومهم لاسرق لو بيدهم. يشنقونه
علقوا حبل في الستره ولقوا مربع
لادخل فالنشط بالحبل باينشطونه
والنمر صاحبي ماظن في الفخ يوقع
يوم خلي نمر. صعب أنهم يقنصونه
أن بغيت النصح مني لهرجي تسمع
حولكم ناس مدسوسين في كل غونه
حد يطبل وحد بالمعشره صار يفقع
صوت بدوي إذا تسمعه تعجب لحونه
لكن الصدق والواقع عليكم. مبرقع
صعب. ياصاحبي. قدامكم. يظهرونه
من كلام. السحر. والشعوذة كا تقنع
كذب في كذب داخل حرزهم يكتبونه
هكذا. شغلهم. مابين منزل. ومطلع
حصن مول البناقل ودهم. يخربونه
ختمهابالصلاه عالزين طه المشفع
عد كل البشر. في الكون لي يتبعونه
((الشاعرسعيدباعجاج))